Post With Image

چینی باشندوں کےویزوں میں توسیع کیلئےجعلی دستاویزات بنانے کا انکشاف


چینی باشندوں کے ویزوں کی مدت میں توسیع اور این او سی کے لیے جعلی وستاویزات تیار ہونے لگیں۔ ایف آئی اے رپورٹ میں انکشاف کیا گیا ہے کہ اس دھندے میں وزارت داخلہ اور پاسپورٹ آفس کے حکام ملوث ہیں۔ چینی باشندوں کے ویزوں کے لئے جعلی دستاویز تیار کرنے کا انکشاف، معاملے میں وزارت داخلہ، پاسپورٹ اینڈ امیگریشن کے افسران ملوث ہیں، ایف آئی اے نے رپورٹ وزارت داخلہ کو پیش کر دی۔ ایف آئی اے انکوائری رپورٹ کے مطابق گروہ میں شامل افراد ویزہ مدت میں توسیع اور این او سی کے لئے جعلی وستاویزات تیار کرتے ہیں۔ گروہ میں پاکستانی شہری چوہدی اکرم، وقار اور ریاض جبکہ دو چینی باشندے ڈاکٹر سو اور زونگ بھی شامل ہیں۔ رپورٹ میں انکشاف کیا گیا ہے کہ پاسپورٹ آفس سے چینی باشندوں کے ویزوں میں توسیع کے روزانہ سیکڑوں اجازت نامہ جاری ہوتے ہیں۔ رپورٹ وزارت داخلہ کو بھجوانے کے باوجود ابھی تک کوئی کارروائی نہیں کی گئی۔