پاکستانی شوبز انڈسٹری کی ماڈل اور حال ہی میں ڈرامہ ’اقتدار‘ سے اداکاری کی دنیا میں قدم رکھنے والی اداکارہ روما مائیکل کا کہنا ہے کہ شاہ رخ خان کے ساتھ کام کرنا ایک شاندار تجربہ ہوگا۔ایک پوڈ کاسٹ میں روما نے کہا کہ اس نے مس گرینڈ انٹرنیشنل میں اس لیے حصہ لیا کیونکہ وہ بین الاقوامی مارکیٹ میں کام کرنا چاہتی تھیں۔ انہوں نے کہا کہ انہیں دنیا بھر سے کام کی بہت سی پیشکشیں موصول ہو رہی ہیں۔روما مائیکل نے کہا کہ وہ ہندوستانی پروجیکٹس میں کام کرنے میں بھی دلچسپی رکھتی ہیں بشرطیکہ حالات سازگار ہوں۔شاہ رخ خان کے ساتھ کام کرنے کے سوال پر روما نے دلچسپ جواب دیا۔ ان کا کہنا تھا کہ شاہ رخ کے ساتھ کام کرنا شاندار ہوگا، لیکن وہ ان کے ساتھ مرکزی کردار میں نظر آنے کا امکان نہیں دیکھ رہی ہیں کیونکہ شاہ رخ خان بہت بوڑھے ہیں۔ 29 سالہ روما کے مطابق وہ اپنی عمر کے اداکاروں کے ساتھ کام کرنے کو ترجیح دیتی ہیں۔
