سابق وزیراعظم اور پاکستان تحریک انصاف کے بانی عمران خان نے کہا ہے کہ میرا اپنی ٹیم کے لیے بھی پیغام ہے آخری بال تک لڑو، مطالبات تسلیم ہونے تک پیچھے نہیں ہٹیں گے۔عمران خان کے آفیشل ایکس اکاؤنٹ سے جاری بیان کے مطابق عمران خان نے کہا کہ وہ پی ٹی آئی کے کارکنوں کو سلام پیش کرتے ہیں جو اپنے حقوق کے لیے کھڑے ہوئے، پرامن احتجاج میں شامل رہے اور مافیا کے سامنے اپنے مطالبات اور حقیقی آزادی کے لیے ڈٹے رہے۔ جس نے خود کو ملک پر مسلط کر دیا ہے۔انہوں نے کہا کہ ان کا اپنی ٹیم کے لیے ایک پیغام بھی ہے کہ آخری بال تک لڑیں، جب تک ہمارے مطالبات پورے نہیں ہوتے ہم پیچھے نہیں ہٹیں گے۔انہوں نے کہا کہ وہ بیرون ملک مقیم پاکستانیوں کا بھی شکریہ ادا کرتے ہیں جو نہ صرف پاکستان میں متحرک ہیں، فنڈز بھیج رہے ہیں بلکہ اپنے اپنے ممالک میں تاریخی مظاہرے بھی کر رہے ہیں۔سابق وزیراعظم نے اپنے سوشل میڈیا ورکرز کو ہدایت کی کہ سوشل میڈیا کے جنگجو بھی ہمارے مطالبات اور دنیا بھر میں پاکستان میں جاری ظلم کی مکمل کوریج کرتے رہیں۔عمران خان نے کہا کہ فوجی عدالت میں مقدمہ چلانے کی دھمکی دینے والوں کے لیے میرا پیغام ہے جو چاہو کرو، میں اپنے موقف سے پیچھے نہیں ہٹوں گا۔انہوں نے ہدایت کی کہ جو لوگ ابھی تک نہیں پہنچے وہ بھی ڈی چوک پہنچ جائیں، مظاہرے میں شامل تمام پاکستانی ہمارے مطالبات کی منظوری تک پرامن، متحد اور ثابت قدم رہیں۔
