پاکستان شوبز اداکار اور میزبان شہریار منور آئندہ ماہ دسمبر 2024 میں شادی کے بندھن میں بندھنے جا رہے ہیں۔یہ خبر معروف صحافی عرفان الحق نے سوشل میڈیا پر شیئر کی ہے جس کے بعد مداحوں کی جانب سے اداکار کو مبارکباد اور ان کے نئے سفر کے لیے نیک خواہشات کا اظہار کیا جا رہا ہے۔زندگی گلزار ہے، پہلی سی محبت، کچھ ان کہی اور حالیہ ڈرامے ای عشق جنوں میں اداکاری کے جوہر دکھانے والے شہریار اپنی نجی زندگی کے بارے میں زیادہ بات نہیں کرتے۔تاہم سوشل میڈیا پر شائقین قیاس آرائیاں کر رہے ہیں کہ شہریار کی دلہن اداکارہ ماہین صدیقی ہوں گی جو اپنے مقبول ڈراموں "دوریاں"، "آگر" اور "دبارہ" سے شہرت رکھتی ہیں۔ماہین صدیقی اور شہریار منور نے اپنی شادی کے حوالے سے کوئی باضابطہ بیان جاری نہیں کیا تاہم دونوں سوشل میڈیا پر ایک دوسرے کی پوسٹس پر کافی متحرک نظر آتے ہیں۔مداحوں نے ماہین کا نام بطور پیشگوئی لیا اور خوشی کا اظہار کیا حالانکہ ان کے رشتے کی تصدیق نہیں ہوئی ہے۔اس جوڑے کا شمار پاکستان کی شوبز انڈسٹری کے مقبول ترین ستاروں میں ہوتا ہے اور ان کی شادی کے بارے میں مزید تفصیلات کا انتظار ہے۔
